कलाकार प्रदीप तिवारीको शब्द संगीतमा गायिका देवी घर्ती मगरको स्वरमा नयाँ तीज गीत ‘पहिल्यै झैँ कहाँ छ र तीज’ गीत सार्वजनिक(भिडियो सहित )

काठमाडौँ। हिन्दू नारीहरूको महान् पर्व हरितालिका तीज नजिकिँदै गर्दा सांगीतिक बजारमा तीजका गीतहरूको बाढी नै आएको छ। तर, पछिल्लो समय पैसा र भ्युजको होडबाजीमा कतिपय कलाकारहरूले प्रस्तुत गर्ने भ्रामक सामग्री, अश्लील पहिरन र अस्वाभाविक शब्दका कारण तीजको मौलिकता गुम्दै गएको भन्दै चौतर्फी आलोचना भइरहेको छ। परिवारका सदस्य, आमा-बुबा र दिदीबहिनीसँग बसेर हेर्न र सुन्नै धौ-धौ पर्ने गीतहरूको भीडमा सर्जकहरूले भने तीजको वास्तविक मर्म जोगाउने प्रयास गरेका छन्।यसै क्रममा, समाजको यही तीतो यथार्थलाई समेटेर तयार पारिएको मर्मस्पर्शी तीज गीत ‘पहिल्यै झैँ कहाँ छ र तीज’ युट्युब च्यानल ‘Pradip Tiwari’ मार्फत औपचारिक रूपमा सार्वजनिक भएको छ। यस गीतले वर्तमान समयमा तीज पर्व र यसको सांगीतिक पक्षमा आएको विकृतिमाथि कडा व्यङ्ग्य गर्दै मौलिकताको महत्त्व दर्शाएको छ।

गीतमा चर्चित गायिका देवी घर्ती मगरको स्वरमा सजिएको नयाँ तीज गीत ‘पहिल्यै झैँ कहाँ छ र तीज’ गीत सार्वजनिक भएको छ। लोकप्रिय कलाकार प्रदीप तिवारीको शब्द तथा संगीत सिर्जनामा तयार पारिएको यस गीतले नेपाली समाजमा तीज पर्व मनाउने शैलीमा आएको परिवर्तन र मौलिकताको महत्त्वलाई मर्मस्पर्शी रूपमा प्रस्तुत गरेको छ। पहिल्यै झैँ कहाँ छ र तीज गीतमा स्वर देवी घर्ती मगरले दिएकि छिन ,गीतको संगीत संयोजन सुनिल परियार ,भिडियोमा कथा तथा निर्देश केशव राज भट्ट,,छायाङ्कन दीपक गिरी टिम,सम्पादन दीपक विष्टको रहेको छ भने भिडियोमा रबिना भण्डारी, अस्मिता पुरी, सुस्मिता क्षेत्री, नुमा काफ्ले सुदीप काफ्ले ,राज लामा, रोशनी गौतम क्षेत्री र प्रदीप तिवारी (‘प्रभु’), हामीले देख्न सकिन्छ भने समयक्रम सँगै तीज मनाउने परम्परा र शैलीमा आएको फेरबदललाई गीतको मुख्य विषयवस्तु बनाइएको छ। पुराना दिनको तीज र वर्तमान समयको तीजबीचको अन्तरलाई गीतका शब्द र भावले कलात्मक रूपमा उतारेका छन् भने यस गीत तथा भिडियोले तीजको पारिवारिक वातावरण र मौलिक दृश्यलाई पर्दामा उतारेको छ यदि तापी पनि यति मिठो अनि मौलिक द्रस्य संगै शब्द सुन्न हेर्न चाहनु हुन्छ भने प्रदीप तिवारी नामक युटुब च्यानलमा गएर हेर्नु होला।