हिन्दी फिल्म ‘Million Views’ आगामी डिसेम्बर १९ देखि नेपालमा प्रदर्शनको अन्तिम तयारी निर्माण टिम ।

हिन्दी फिल्म ‘Million Views’ आगामी डिसेम्बर १९ देखि नेपाल, भारतसहित विश्वभरका दर्जनौं देशमा एकसाथ प्रदर्शन हुने भएको छ। हालै सार्वजनिक भएको फिल्मको ट्रेलरले दर्शक–समीक्षकदेखि डिजिटल दर्शकहरूको ठूलो चासो बटुलेको छ। कथावस्तु, प्रस्तुति र सामाजिक संदेशका कारण फिल्मले प्रदर्शनअघि नै बलियो चर्चा र अपेक्षा निर्माण गरेको छ।फिल्म ‘Million Views’ एक २५ वर्षीया युवती शिवानी को भयावह र मन छोने कथा प्रस्तुत गर्छ। एक अनौठो मोडमा उनी आफूलाई लाइभ–स्ट्रिम गरिएको क्रुर खेलमा फसेकी पाउँछिन्। ९० मिनेटभित्र १० लाख भ्युज नआएमा मृत्युको धम्की दिइएपछि, उनलाई बाध्यतावश आफ्नै अस्मिता, संवेदना र ज्यानबीच दुःखद निर्णय लिनुपर्ने परिस्थितिमा पुर्‍याइन्छ ।

कथामा देखाइएका यी क्षणहरूले आजको डिजिटल युगमा मानव अस्मिता, गोप्यता र संवेदनाको मूल्य कत्तिको त्रासदीपूर्ण रूपमा प्रयोग/दुरुपयोग हुन सक्ने स्पष्ट गर्छ। दर्शकहरूको निर्दयी नजर, टाइम–काउन्टडाउन र सोसल मिडिया दबाबसँग लड्दै शिवानीले बाँच्नका लागि गर्ने संघर्ष दर्शकलाई भावनात्मक रूपमा हल्लाइदिने किसिममा प्रस्तुत गरिएको छ।फिल्मले मानव सहनशीलताको सीमा, आधुनिक प्रविधि र अस्मिताको टकराव, तथा मानव मनोविज्ञानमा पर्ने प्रभावको गहिरो चित्रण गरेको निर्देशक टोली बताउँछ। फिल्ममा उठाइएको विषय पहिलोपटक भारतीय सिनेमामा यस्तो तीक्ष्ण र संवेदनशील ढंगले पर्दामा उतारिएको दाबी निर्माण पक्षले गरेको छ। कथावस्तु विश्वभरका युवायुवती, परिवार र समाजले निकटबाट अनुभूति गर्नसक्ने भएकाले व्यापक प्रभाव पर्ने विश्वास उनीहरूको छ।

विश्वव्यापी वितरक विकाश कुमार सिंह ले फिल्मको विषय, प्रस्तुति र सामाजिक सन्देशले प्रभावित भएर नै यो प्रोजेक्टलाई विश्वभर वितरण गर्न लागेको बताए। उनका अनुसार फिल्म “मनोरञ्जन मात्र नभई वर्तमान समाजको कठोर र वास्तविक पक्षलाई देखाउने दर्पण” बनेको छ।फिल्मका निर्माता, लेखक तथा निर्देशक अंशुल सिन्हा हुन्। कलाकार–कर्मचारीको समर्पण र वर्षौँको अनुसन्धानपछि तयार भएको यो फिल्म दर्शकको मन जित्नेमा अंशुल विश्वस्त देखिन्छन्।फिल्ममा सोसिएट/कला निर्देशक सुषाथ भर्स, सह–निर्देशकहरू प्रविण टीगाला, प्रतिभा, वंसी, हरि छन्।संगीत निर्देशक नरेन्द्र एस, एन रेकर्ड्स, मिक्सिङ–मास्टरिङ गोोकुल, बाँसुरी–तामिलसेल्भन, भायलिन–श्रीनि, गीतकार तथा संयोजन अनिल शर्मा, गायक अमित शर्मा, रेकर्डिङ फोनिक्स स्टुडियो (हैदराबाद) को छ।छायांकन कृष्णा गोल्ला ले गरेका हुन्। डीओपी सहायक कोलावाड नितिन, फोकस पुलर, लाइट टिम प्रमुख फेरोज,
डबिङः हैदराबाद – डिजिपोस्ट,दिल्ली – मेराकी स्टुडियो,मुम्बई – स्टुडियो ९,डीआई – मायासभा स्टुडियो, अन्वेष,मिक्सिङ – रमन

सिद्ध्दी जैसवाल, एम. साई सोहन, एमडी असद अल्वी, चिरीसा जिला, अदिति कानसे, महेश मिंकिकर, अलिशा मार्टिन, रे अक्ष, राकेश सोनी, केथा ईशा, आशु शर्मा, निशान्त, वेदाङ्ग, नमन छाजेड, एकलव्य, मनिष वानकर, गौतम वर्मा, लक्ष्मण दवभाट, कृष्ण, जतिन, कोमल पाण्डे, संजय राठा, प्रविण टीगाला, जगदीश रेड्डी, भवानी, हर्ष कल्याण, वाराणसी, करमजीत कौर, कृष्ण, बालकृष्ण दासरी, सारन, राहुल, लक्ष्मीकान्त, स्रुति, वनिशा, आयुष,
साथै डबिङमा नेहा र फैजान को समेत योगदान रहेको छ। फिल्मको ट्रेलर रिलिजसँगै सामाजिक सञ्जालमा “भयावह तर आवश्यक कथा”, “डिजिटल अत्याचारको वास्तविक चित्रण”, “मनलाई छोने प्रस्तुति” जस्ता प्रतिक्रियाहरू आइरहेका छन् विषयवस्तुले समाजलाई सोच्न बाध्य बनाउने भएकाले फिल्मले नेपाल र भारतसहित अन्तर्राष्ट्रिय बजारमा उत्कृष्ट व्यापार गर्ने फिल्मकर्मीहरूको अपेक्षा छ।निर्माण टिमका अनुसार, ‘Million Views’ मनोरञ्जन मात्र नभई डिजिटल संसारको अँध्यारो पक्षको चेतावनी समेत हो, जसले दर्शकलाई कहिल्यै नसोचेको कोणबाट वास्तविकता देखाउन सफल हुनेछ।

फिल्म डिसेम्बर १९ मा विश्वभर एकसाथ प्रदर्शन हुँदैछ।