बाल गायक तथा अभिनेता अशोक दर्जी अभिनित बहुप्रतिक्षित नेपाली चलचित्र ‘मन बिनाको धन’ प्रदर्शनको दोस्रो हप्तामा प्रवेश गर्दै देशभर अभूतपूर्व सफलता प्राप्त गरिरहेको छ। कार्तिक २१ गतेदेखि देशव्यापी प्रदर्शनमा आएको यो चलचित्रले पहिलो दिनदेखि नै दर्शकको असाधारण माया कमाएको छ।दोस्रो दिन शनिबार समेत राजधानीदेखि मोफसलसम्मका अधिकांश सिनेमा हल हाउसफुल बने। बिहानैदेखि टिकट काउन्टरमा लामो लाइन देखिनु, कतिपय हलमा दर्शक नअटाउँदा अतिरिक्त शो राखिनु, र धेरै दर्शकले अझै टिकट नपाएको गुनासो गर्नुबाट फिल्मको लोकप्रियता झनै प्रष्ट हुन्छ।
राजधानीको एक हलमा दर्शकको भीड यति धेरै भयो कि टिकटको रोलनै किनेको दृश्य देखियो। हलनै दर्शकले ‘क्याप्चर’ गरेजस्तै भीड लागेको तस्बिर र भिडियो सामाजिक सञ्जालमा भाइरल बनिरहेका छन्। नेपाली चलचित्रमा यस्तो क्रेज पछिल्ला वर्षहरूमा कमै देखिएको टिप्पणी धेरैले गरिरहेका छन्। फिल्म हेरेर निस्किने अधिकांश दर्शकको आँखामा आँसु देखिए।“अशोक दर्जीको अभिनयले मन भरिएर रोएँ, कथा निकै touching छ,” एक युवतीले रन्जना हल बाहिर टिप्पणी गरिन्।अशोक दर्जीको भावनात्मक अभिनय, टंक बुढाथोकीको सशक्त संगीत, र लोभलाग्दो कथा र संवादले दर्शकलाई भित्रैसम्म छोएको हल–हलबाट आएको प्रतिक्रियाले देखाउँछ।
कलाकारको उपस्थिति भव्य, अशोकलाई भेट्दा दर्शक रुँदै अँगालो हाल्दै
चलचित्रका मुख्य कलाकारहरू—अशोक दर्जी, सरोज खनाल, नीता ढुंगाना, रमेश विश्वकर्मा, एआर बुढाथोकी, साम्राज्ञी थापा लगायतका कलाकारहरू तथा निर्देशक टंक बुढाथोकी स्वयं विभिन्न हलमा पुगे।
कलाकारहरूलाई देख्ने अवसर पाएपछि दर्शकले उत्साहपूर्वक स्वागत मात्र गरेनन्, धेरैले अशोकलाई अँगालो हाल्दै भावुक हुँदै रोएको दृश्य समेत देखियो।
देशभर उस्तै उत्साह, अतिरिक्त शो थपिँदै
उपत्यकाका—
-
रन्जना सिनेप्लेक्स, न्युरोड
-
क्युएफएक्स केएल टावर, चाबहिल
-
क्युएफएक्स भक्तपुर
-
क्युएफएक्स सिभिल मल
-
बिग मुभिज, कमलपोखरी
-
क्युएफएक्स सिटी स्क्वायर, सामखोसी
सहित देशभरका हलमा बिहानैदेखि लाम लागेको हल सञ्चालकले जनाएका छन्।
कुनैकुनै हलमा दर्शक नअटाएपछि बिहानदेखि बेलुकीसम्म थप शो राख्नुपरेको छ।
चलचित्रको कथा, पटकथा र निर्देशन टंक बुढाथोकीले गरेका हुन्।उनले धेरै समयदेखि बुनेको भावनात्मक कथालाई पर्दामा अत्यन्त प्रभावकारी ढंगले उतारेको दर्शक र समिक्षकको प्रतिक्रिया छ।फिल्ममा अशोक दर्जीसँगै सरोज खनाल, सन्तोष पन्त, रमा थपलिया, नीता ढुंगाना, बुद्धि तामाङ, रवीन्द्र झा लगायत दर्जनौँ दमदार कलाकारको अभिनय समेटिएको छ।
सशक्त टेक्निकल टिम
-
निर्माता: विष्णुमाया मैनाली
-
कार्यकारी निर्माता: मिनु शर्मा ‘सपना’
-
सह–निर्माता: जी.पी. संग्रोला, विवेक नेपाल, बिजया पाण्डे
-
छायांकन: सौरभ लामा
-
कोरियोग्राफी: कविराज गहतराज, रामजी लामिछाने
-
सम्पादन: मित्र डी. गुरुङ
-
सहायक निर्देशक: नवराज शर्मा
-
संगीत: टंक बुढाथोकी
-
क्रिएटिभ निर्देशक: टिकाराम बुढाथोकी
टंक बुढाथोकी प्रोडक्सनको ब्यानरमा बनेको फिल्मले कथाको भावनात्मक गहिराइ, संगीतको मिठास, र कलाकारहरूको स्वाभाविक अभिनयका कारण दर्शकको मन जोड्न सफल भएको छ।नेपाली फिल्म बजार केही समयदेखि सुस्ताएका बेला **‘मन बिनाको धन’**ले देखाएको लोकप्रियता र कमाएको माया नेपाली चलचित्र क्षेत्रका लागि उत्साहजनक बनेको छ। दोस्रो हप्तामै पनि टिकट नपाएर दर्शक घर फर्किनुपरेको दृश्यहरूले फिल्मले नयाँ रिकर्ड बनाउन सक्ने संकेत गरिरहेको छ।
