नेपाली लोकसंगीतमा नयाँ आयाम थप्ने क्रम जारी रहँदै गर्दा हालै मात्र सार्वजनिक भएको तीज विशेष गीत ‘कस्की छोरी होला’ चर्चा र लोकप्रियताको शिखर चुम्दैछ। सचिन भट्टराई र समीक्ष्या अधिकारीको सशक्त स्वरमा सजिएको यो गीतले तीजको मौलिकतालाई स्पर्श गर्ने प्रयास गरेको छ।गीतका शब्द, संगीत र स्वर स्वयं सचिन भट्टराईको सिर्जनामा आधारित छन्, जसमा समीक्ष्या अधिकारीको मनमोहक आवाजले थप मिठास दिएको छ। गीतलाई सङ्गीतात्मक रूप दिने काम संगीत संयोजक HBN Kismatले गरेका छन्। उहाँको संयोजनले गीतलाई लोक शैलीमै आधुनिकता मिसाएर प्रस्तुत गर्न सफल भएको देखिन्छ।
रेकर्डिङ 1DB स्टुडियोमा गरिएको छ भने मिक्सिङ र मास्टरिङ HBN Kismatले नै गरेका छन्। आधुनिक प्रविधिको उपयोग र परिश्रमी टिमको सहयोगले अडियो भाग उच्च स्तरमा तयार पारिएको छ। ‘’कस्की छोरी होला’को भिडियोले गीतको भावनालाई जीवन्त रूपमा प्रस्तुत गर्छ। दिशा र नृत्य संयोजन (कोरियोग्राफी) मौसमी हिमालीले सम्हालेर गीतलाई दृष्टिगत रूपमा पनि समृद्ध बनाएकी छन्। भिडियोलाई आकर्षक बनाउन कलाकारहरूको प्रस्तुति, छायांकन र सम्पादनमा उच्च मिहिनेत गरिएको देखिन्छ।
गीतको भिडियोमा सुनिल न्यौपाने, अर्जुन सापकोटा, मीना बर्तौला र जुना विश्वकर्माले अभिनय गरेका छन्। उनीहरूको अभिनयमा लोक परिवेश, तीजको रमाइलो र नेपाली महिलाहरूको भावनात्मक पक्ष सुन्दर ढंगले प्रस्तुत गरिएको छ। ग्रामीण परिवेश, पारिवारिक प्रेम र संस्कृति गीतमार्फत जीवन्त देखिन्छ।गीतको भिडियो नवराज उप्रेतीको छायांकनमा सुन्दर रूपमा कैद गरिएको छ भने सम्पादन, कलर करेक्सन र ग्राफिक्स मनोज कार्कीले गरेका छन्। भिडियोले तीज गीतहरूमा देखिने परम्परागत रमाइलो शैलीलाई नयाँ दृष्टिकोणबाट प्रस्तुत गरेको छ। ‘कस्की छोरी होला’ गीत केवल मनोरञ्जनको साधन होइन, यो गीत नेपाली समाजको पारिवारिक र सांस्कृतिक भावना बोकेको छ। गीतले श्रोतालाई गाउँघरको स्मृति दिलाउँछ, चेलीहरूको मनको कुरा बोल्छ र पर्वको उत्सवलाई थप आत्मीय बनाउँछ।
