छैटौं दिनमा पनि चलचित्र ‘मन बिनाको धन’मा दर्शकको भीड, देशभर हाउसफुल प्रदर्शन ।शुक्रबारबाट प्रदर्शनमा आएको बालगायक अशोक दर्जी अभिनित चलचित्र ‘मन बिनाको धन’ छैटौं दिन सम्म आउदा पनि दर्शकको भीड, देशभर हाउसफुल प्रदर्शन देशभर दर्शकको अभूतपूर्व माया पाएको छ। चलचित्र प्रदर्शनको दोस्रो दिन शनिबार पनि राजधानीदेखि मोफसलका सिनेमा हलहरू हाउसफुल बनेका छन्।पहिलो दिनदेखि नै उत्कृष्ट प्रतिक्रिया पाइरहेको यस चलचित्रलाई देशका सबै प्रमुख शहरका दर्शकले असाध्यै रुचाइरहेका छन्। बिहानैदेखि राजधानीका रन्जना सिनेप्लेक्स न्युरोड, एफक्युब सिनेमा केएल टावर चाबहिल, क्युएफएक्स सिनेमा भक्तपुर, क्युएफएक्स सिभिल मल, बिग सिनेमा कमलपोखरी, र क्युएफएक्स सिटी स्क्वायर महल सामाखुशी लगायतका हलमा दर्शकको लामो लाइन लागेको थियो। अहिले केहि कलाकारहरु राजधानी काठमाडौँमा रहेका छन् भने निर्देशक टंक संगै कलाकार अशोक दर्जी लगाएत केहि कलाकारहरु काठमाडौँ बाहिर पुगेका छन् चलचित्र हेरेर कलाकारहरुले उत्साहपूर्वक स्वागत मात्र गरेनन्, धेरैले अशोक दर्जीलाई अँगालो हाल्दै आँसु समेत झारे।चलचित्र हेरेर निस्किएका अधिकांश दर्शकले भावुक प्रतिक्रिया दिएका छन्। “फिल्म हेर्दा धेरै ठाउँमा रोएकी थिएँ, अशोक दर्जीको अभिनय र फिल्मको कथा निकै मन छुने रहेछ,” एक दर्शकले रन्जना हल बाहिर प्रतिक्रिया दिइन्।
राजधानीसँगै मोफसलका दमक, बिर्तामोड, धरान, इटहरी, चितवन, नेपालगञ्ज, बुटवल, दाङ र सर्लाही लगायतका स्थानमा पनि चलचित्रले समान रूपमा हाउसफुल प्रदर्शन गरिरहेको छ। कतिपय हलमा दर्शकले टिकट नपाएको गुनासो गरेका छन्।हल सञ्चालकहरूका अनुसार, दर्शकको अत्यधिक चापका कारण भोलि आइतबारदेखि देशभरका अधिकांश हलहरूले ‘मन बिनाको धन’ का लागि अतिरिक्त सो थपेका छन्।चलचित्रमा अशोक दर्जी, सरोज खनाल, सन्तोष पन्त, रमा थपलिया, नीता ढुंगाना, भोला सापकोटा, बुद्धि तामाङ, रमेश विश्वकर्मा, रवीन्द्र झा, पार्वती अधिकारी, उत्सव सापकोटा, एआर बुढाथोकी, शंकर श्रेष्ठ, साम्राज्ञी थापा, बिना राउत, बाबु पराजुली, रक्षा श्रेष्ठ, प्रियंका झा, विनय अधिकारी, आर्यन पोखरेल, र विजय डंगोल लगायतका कलाकारहरूको दमदार अभिनय देख्न सकिन्छ।
चलचित्रको कथा, पटकथा र निर्देशन टंक बुढाथोकी ले नै गरेका हुन्। बुढाथोकीले चलचित्रमार्फत भावनात्मक कथा प्रस्तुत गर्दै दर्शकको मन छुने उद्देश्य राखेका छन्। चलचित्र टंक बुढाथोकी प्रोडक्सन को प्रस्तुतिमा बनेको हो भने निर्माण विष्णुमाया मैनाली ले गरेकी हुन्। कार्यकारी निर्मातामा मिनु शर्मा (सपना) रहेकी छिन् भने जी.पी. संग्रोला, विवेक नेपाल र बिजया पाण्डे सहनिर्माताका रूपमा रहेका छन्।
चलचित्रका क्रिएटिभ निर्देशक टिकाराम बुढाथोकी हुन्। संगीत टंक बुढाथोकी ले नै दिएका छन् भने सौरभ लामा ले छायांकन, कविराज गहतराज र रामजी लामिछाने ले कोरियोग्राफी, मित्र डी. गुरुङ ले सम्पादन, र नवराज शर्मा ले मुख्य सहायक निर्देशनको जिम्मेवारी सम्हालेका छन्।
