गोरखा दरबार, धार्मिक तीर्थस्थल, पदयात्रा मार्ग तथा प्राकृतिक सुन्दरताको संरक्षण र प्रवर्द्धन गर्दै पर्यटन पूर्वाधार विकासमा जोड दिने उनको भनाइ छ।होमस्टे कार्यक्रमलाई व्यवस्थित र विस्तार गर्दै ग्रामीण भेगका परिवारलाई आम्दानीको अवसर सिर्जना गर्ने, युवालाई पर्यटनसम्बन्धी सीपमूलक तालिम प्रदान गरी स्वरोजगारमा जोड्ने र अनावश्यक विदेश पलायन रोक्ने उनको प्रमुख लक्ष्य रहेको छ।शिक्षा र स्वास्थ्य क्षेत्रलाई पनि खत्रीले प्राथमिकतामा राखेका छन्। केन्द्र, प्रदेश र स्थानीय तहबीच प्रभावकारी समन्वयमार्फत गुणस्तरीय शिक्षा र स्वास्थ्य सेवा सुनिश्चित गर्ने, दुर्गम तथा पिछडिएका बस्तीमा स्वास्थ्य सेवा विस्तार गर्ने तथा आवश्यक जनशक्ति र पूर्वाधार विकासमा पहल गर्ने उनको योजना छ। आर्थिक रूपमा कमजोर तर जेहेन्दार विद्यार्थीका लागि छात्रवृत्ति तथा शैक्षिक सहयोग कार्यक्रम विस्तार गर्ने प्रतिबद्धता पनि उनले व्यक्त गरेका छन्।कृषि क्षेत्रको विकासबिनै गोरखाको समग्र उन्नति सम्भव नहुने उल्लेख गर्दै खत्रीले कृषिमा आधुनिकीकरण, सिंचाइ सुविधा विस्तार, बजार पहुँच सुदृढीकरण र स्थानीय उत्पादनलाई प्राथमिकता दिने नीति अघि सारेका छन्। किसानका उत्पादनले उचित मूल्य पाउने वातावरण बनाउन सहकारी, निजी क्षेत्र र राज्यबीच सहकार्य आवश्यक रहेको उनको धारणा छ।नेपाली कांग्रेसका स्थानीय नेता तथा कार्यकर्ताले प्रेम खत्रीको उम्मेदवारीले गोरखा–१ मा पार्टीलाई थप ऊर्जा र उत्साह मिलेको बताएका छन्। पर्यटन व्यवसायमा खत्रीको अनुभव, सामाजिक क्षेत्रमा देखाएको सक्रियता र विकासप्रतिको स्पष्ट दृष्टिकोणले गोरखाको समग्र विकासमा सकारात्मक योगदान पुग्ने उनीहरूको विश्वास छ।स्थानीय मतदातामाझ पनि खत्रीप्रति चासो बढ्दै गएको देखिन्छ। नयाँ सोच, व्यावसायिक अनुशासन र व्यवहारिक योजनाका कारण उनलाई वैकल्पिक नेतृत्वका रूपमा हेरिएको स्थानीयको भनाइ छ। गोरखा–१ मा आगामी प्रतिनिधिसभा निर्वाचनलाई चासोका साथ हेरिएको सन्दर्भमा नेपाली कांग्रेसबाट प्रेम खत्रीको उम्मेदवारीले राजनीतिक प्रतिस्पर्धालाई थप रोचक बनाएको छ।
गीतकार हरि उप्रेतीको शव्दमा गायिका तृप्ति खड्का गुरुङ्ग र जयेश तामाङ्गको युगल स्वरमा “आँखैले बोलन..”बोलको गीतको भिडियो स...